Puisi-puisi Madé Sanggra; Idupé Nemu Sengsara
 |
| Potrekan IGA Darma Putra |
Idupé
Nemu Sengsara *)
(patinget
ring cening sareng sami)
sarahina
manahé bungsang
déning
lacuré kalintang
idupé
mangawé utang
kadi
bun katang-katang
magawé
tan masekaya
ludin
belog tan padaya
kirang
gina guna kaya
pianak
akéh kantun alit
sami ia
mabaju kulit
neda
granit makulit-kulit
selem
kadi semut palit
rasanyané
pait makilit
Sukawati,
wengi pitulas tiga pitungdasa
*)
sajak puniki pakardin Madé Sanggra sané kapertama.
Jaring
Kekawa
(pakéling
ring sang ngawa rat)
ipun
watek i kakawa
sampun
reké kawistara
ngawé
jaring dahat uning
pangejukan
sarwa prani
legu
ngit miwah muring
keni
kaejuk kabaksa
kalaning
panumayania
katibénin
pancabaya
kupu
barong nomplok jaring
jaring
tastas paglantas
i
kakawa éwa
layu
kapilayu
ngelidang
urip
ngingidang
sikian
sukawati,
redité semeng
kalih
kalih tiga pitung dasa.
Wong
Tani
panas
suryané angarab-arab
morbor
tundun burik masiksik
lima
batis puun badeng
kadi
adeng
tan ada
sudi manolih
nanging
i endut kapilulut
i
lintah katah pagrasah.....
ngidih
getih
krebek
kerug pagrudug
kilat
tatit sander-sinander
hujan
bales angin ngalinus
i tundun
masrah tan kalah.....
nem
sasih lintang
langité
jenar galang
sawahé
gading pakurining
rauh i
toké mokoh
pajalané
égah-égoh
raosnyané
keras bangras
nantang
nagih utang
sami
kedas kasampatang
panak
somah tuna amah
atiné
layu
poloné
puyung
matané
makunang-kunang
---kramaning
wong tani.
sukawati
purnamaning kadasa
april
1970
I Madé Sanggraembas ring Sukawati, Gianyar warsa 1926. Dané ngawitin ngripta sastra Bali modérn warsa 1970 antuk nyarengin sayembara taler dados juara ring sayembara punika antuk satua cutetnyané sané mamurda Katemu ring Tampak Siring. Pupulan puisi Kidung Républik (1997), ngamolihang Penghargaan Sastra Rancagé ring warsa 1998. Dané ngalahin (séda) rahina Buda, 20 Juni 2007. Kakawian-kakawian dané sané sampun kawedar inggih punika Ganda Sari (sareng Nyoman Manda), Kidung Républik, Katemu ring Tampak Siring, miwah Bir Bali.
No comments