Puisi-puisi Komang Juniarti Widyasanti: Watugunung, Dwi Kerahayuan
 |
| Gagambaran I Gedé Putra Ariawan |
Watugunung,
Dwi Kerahayuan
Bali asri, Bali lestari...
ring rahinané puniki
makéh mantra suci sané ngelilingin
jagat Déwatané puniki
“Om,
Saraswati namostu bhyam”
“Om,
Namah Siwa ya”
Wuku watugunung, sasih kadasa....
Déwi Saraswati miwah,
Sang Pendipta.
Dwi kerahayuan....
Girang,
liang kerasa di hati
manusa
nincapang sradha bakti
manusa
nglaksanayang catur brata
saha
ngaturang....
suksmaning
manah widya dharma
miwah
ngulah kala sarwa
mangda
rahajeng kawekasan....
05-012-2018
Sayong
Masawang Selem
liang-liang
anak cerik sing nawang apa,
ngigel- ngigel girang
sekadi joged kembang girang
atine nak mula liang...
tawang
kéh?
sing
madaya!
unduk idup awaké,
lakar kéné
sayong teka!
ngembur awaké...
liang-liang atiné
jani buka kaiket baan sayongé
Dot
ngelidin..
Dot
ngebenehang
Nanging....
ngudiang mara awaké sadar?
ilang kenyem manis
sebet keneh mangiis...
05-02-2018
Tiang
Seken Takut
kenyem manis....
saking manah sané sujati
keneh cara panah malecat
ningalin kenyem manis
Bliné...
Rindu..
nganti peteng
Tiang nawang
nengil-nengil
bli ngerayangin ipian tiangé
makenyem manis
Nanging...
yén suba bli,
Maseragam
Maadat
Makostum..
jejeh atin tiang!
négative
thinking tiang...
takut bli ulung,
ajak maseragam cara bli
Bli pepes nyambatang,
tresna tekén tiang....
kéto masih
tiang tresna tekén bli
tiang seken takut...
06-03-2018
mahasiswa Sastra Bali Udayana Semester V. Asal Saking Sukawati, Gianyar.
No comments