Gending Katuridan

Olih: Wayan Wésta

Sumber Gagambaran

Jali lalang lumlum gadang

gadang i gadung mabunga gading

gading ngulanting i kapundung

kapundung kelampuak ceroring adung

adung majajar i nyuh gading

gading i sandat ngurempiah asri

asri sarwa tumuwuh ngawé ulangun

ulangun i pangangon magending dangdang

dangdang lara leteh liang

liang i kumbang kambang

kambang mangisep sarin santun

santun sari angreroncé anglelinting

anglelinting ketilang magending

magending i jalak turida jalu

jalu nismara manginket palambang

palambang wilapa santun sari

sarining bhasa katuridan

katuridan déning sinom gading  

Gunaksa, 13-12-1992

NB:

#Puisi puniki naanin kamuat ring rubrik Médiaswari (Pos Bali) rahina Redité Pon, 15 Maret 2015.

#Puisi puniki wantah Puisi Baliwiki Édisi Fébruari 2015