Gurit Pangawit

Murdan Cakepan : Gurit Pangawit

Pangawi : Ni Kadék Widiasih

Kawedar Antuk : Sanggar Buratwangi Amlapura

Warsa : 2008

Tebel : ii + 38

Ring tangis

Pertiwi masapa grudug

Hujan ngembeng

Boya lara

.................

(Wirasan Lawat, kaca kaping 31)

Nika wantah punggelan puisi saking Kadék Widiasih sané mamurda “Wirasan Lawat”. Puisi puniki kamuat ring cakepan “Gurit Pangawit”. Cakepan puniki wantah cakepan kapertama saking Kadék Widiasih sané madaging 38 puisi. Puisi-puisi ring cakepan puniki wénten sané sampun naanin kawedar ring Bali Orti rubrik mabasa Bali Bali Post. Murdan puisi sané kamuat ring cakepané puniki inggih punika: Raja Pisuna, Beli Madé, Ngidam Bulan, Gula Madu, Kuluk Bengil, Gegéndong, Buta Nyumu Kedat,Tiwas, Buduh, Milu Ipit, Angin Peteng, Ombak Semara, Téjan Sang Surya, Ngunuh, Mayapada, Sekar Taman Ati, Sugih, Langité Gulem, Telaga Urip, Masolah, Tengah Lemeng, Sasih Kaulu, Bajang Malong, Ciri-ciri, Kadung Maselét, Tengah Ratri 1, Tengah Ratri 2, Kala Semeng, Sang Pandita, Damuh Panungkul, Bengong, Wirasan Lawat, Kembang Bajra, Manah, Gangga Rasa, Blabar Momo, Samong, Damar Ati, lan Gumi Punyah. Antuk basa lan rasané sané lengut, ngawinang sang sané ngwacén puisiné puniki pacang angob. Sakadi punggelan puisi puniki:

...............

Nanging sukeh ngebis ngupasin

Bulan bintang saling sréré

Tandruh ring pejalan tiangé

Kasandet ring tengahing margi

.............

(Angin Peteng, kaca kaping 10)

Rarisang wacen sejangkepnyané ring cakepan “Gurit Pangawit”